Talooyinka Waraysiga Shaqada (Job Interview Tips)

Talooyinka Waraysiga Shaqada

Wareysiyada shaqadu waxay noqon karaan khibrado xiiso leh iyo kuwo dareen-celis ah labadaba. Waxay yihiin waqtiyada muhiimka ah marka shahaadooyinkaaga, xirfadahaaga, iyo shakhsiyaddaadu ay hoos yimaadaan adduunka shaqada iyo shaqaalaha. Halkanina waa go'aaminta haddii aad heli doonto shaqada aad jeceshahay. In kasta oo hannaanku ku cabsi gelin karo, haddana waa fursad aad ku soo bandhigi karto kartidaada iyo ku habboonaantaada doorka aad xaraysatay. Diyaarsanaanta saxda ah ayaa sameyn kara isbeddel kasta. Safarkan waxa aynu u socon doonaa dhanka waraysiga shaqooyinkaa, oo ah kobta lagu kabo kalsoonida ka hor inta aanad shaqo helin.

 

Waraysiyada shaqadu waxay noqon karaan kuwo werwer badan, laakiin diyaargarowga saxda ah iyo fahamka xeeladaha loo maro, ayaad ku kordhin kartaa fursadahaaga guusha. Waa kuwan qaar ka mid ah talooyinka wareysiga shaqada ee muhiimka ah:

 

1. Baadhista Shirkadda: Baro hadafka shirkadda, qiyamka, qalabka iyo dhaqanka. Aqoontan ayaa kaa caawin doonta inaad habayso jawaabahaaga oo aad muujiso xiisahaaga dhabta ah.

2. Ogow Sharaxaada Shaqada: Faham shuruudaha shaqada oo diyaar u noqo inaad sharraxdo sida xirfadahaaga iyo khibradaada ay ula jaan qaadayaan doorkan bannaan.

3. Ku celceli Su'aalaha joogtada ah: U diyaari jawaabaha su'aalaha waraysiga caadiga ah, sida "Wax iiga sheeg naftaada?" "Waa maxay meelaha aad ku fiican tahay iyo meelaha aad ku liidato?" iyo "Maxaad u rabtaa inaad halkan uga shaqeyso?"

4. Su'aalaha wax-qabdka: U diyaargarow inaad bixiso tusaalooyin gaar ah oo ku saabsan waayo-aragnimadaada hore, adoo isticmaalaya habka STAR (Xaaladda, Shaqada, Ficilka, Natiijada) si aad u muujiso kartidaada. Ku dar wax-qabadyadaada adiga oo ku kabaya tusaalayaal.

5. Si xirfadaysan u lebbiso: Dooro labis habboon oo ku munaasiba dhaqanka shirkadda. Haddii shaki kaaga jiro, isku day in aad xidhato dhawr aad ku qanacsan tahay in aad ku geli karto waraysi shaqo.

6. Wakhtiga dhawr: Wakhtiga ku imo waraysiga. Habsanku wuxuu kaa gudbin karaa aragti xun.

7. Luuqadda Jidhka: Ilaali isha xidhiidhka wanaagsan, bixi gacan-qaad adag, oo si toos ah u fadhiiso si aad u gudbiso kalsooni iyo xirfad shaqo. La soco dhaqdhaqaaqa jidhkaaga si aad si buuxda ugu muujiso heerka kalsoonidaada.

8. Weydii Su'aalo: Diyaari su'aalo caqli-gal ah si aad u waydiiso waraysiga ku saabsan shirkadda, kooxda, ama doorka shaqada. Tani waxay ku tusinaysaa xiisahaaga iyo hawlgelintaada dhabta ah.

9. Raac Habka STAR: Markaad ka jawaabayso su'aalaha, bixi tusaalooyin gaar ah oo muujinaya xirfadahaaga iyo guulahaaga. Sharrax Xaaladda, Hawsha, Ficilka iyo Natiijada.

10. Noqo mid kooban: Jawaabahaaga ka dhig mid cad oo nuxurka shaqada khusaysa. Ka fogow jawaabaha dhaadheer oo ku joog wakhtiga laguu xaddiday.

11. Ururi waxyaabaha daruuriga ah: Kahor intaadan imaan waraysigaaga, keen waxyaabaha daruuriga ah. Waxyaabaha laga yaabo inaad u baahato inta lagu jiro wareysigaaga sida:

Nuqullo ka mida Cv-gaaga

Qalin iyo warqad

Liiska tixraacyada

Su'aalaha ku socda waraystaha

Wax-qabadyadaadii

Aqoonsigaaga

Inaad waxyaalahan ku haysato goobta waraysiga shaqada waxay hubisaa inaad haysato wax kasta oo aad u baahan tahay si aad u gasho waraysi guul leh. Waxaa laga yaabaa inaadan u baahnayn dhamaantood, laakiin way fiican tahay inaad u haysato kayd ahaan.

12. Kalsooni: Naftaada ku qab kalsooni; maadaama booska aad xaraysatay ee aad waraysigiisa shaqo ku soo baxday uu xidhiidh la leeyahay xirfadaada, aqoontaada iyo waayo-aragnidaada.

13. Qiimee habka waraysigaaga: Wareeg kasta oo waraysi ah ka dib, qiimee habka waraysigaaga si aad u ogaato meelaha aad ku liidato ee kaaga baahan horumarin.

14. Dabagal: U dir email mahadnaq ah 24 saacadood gudahooda ka dib wareysiga si aad u muujiso mahadnaq iyo sida aad diyaarka ugu tahay booskaas shaqo. Ha dayicin fursad kasta oo aad ku soo bixi karayso.

15. Diyaarsanaw:  Ku dadaal in aad mar kasta heegan ahaato, oo aad u diyaarsanaato sidii aad ugu guulaysan lahayd fursadaha banaanaada. Maskax diyaarsan ayaa fursadaha ka faa’iidaysata.

 

Xusuusnow, guusha waraysigu waxay inta badan ka timaadaa diyaargarow buuxa iyo awoodda aad ku muujinayso inaad tahay qof ku habboon shaqada. La shaqee asxaabtaada si aad kalsoonidaada u xoojiso. Nasiib wacan!

 

  - - ---------------------------------------------------------