OLE AGRO FARM

Tartanka Shaqada: Tijaabo Imtixaan Imtixaanku waa tijaabo la mariyo tiro badan oo u tartamaysa boos shaqo oo ka banaan hay'ad, shirkad, ganacsi ama xafiis dawladdeed oo looga dan leeyahay hubin aqooneed oo la xidhiidhka fursadda loo tartamayo. Dadbadan ayaa tijaabadaasi werwer badan ku abuurtaa marka ay fariin ka helaan looshaqeeye ay hore u codsadeen boos shaqo oo ka banaan. 1.  Diyaargarow Mar haddii aad hore u codsatay shaqadan taas macneheedu waa in aad sifiican u akhriday, uga bogatay, ugu fiirsatay baahida looshaqeeyaha ee uu kusoo bandhigey xayeysiiska shaqo ee qof leh aqoon, khibraddo iyo xirfaddaha uusoo bandhigey. Markale ku noqo aqoonta iyo xirfaddaha farsamo ee uu raadinayo. In aad ka hormarto wakhtigii lagula balamay mooyaane haka dib dhicin, looshaqeeyuhu wuxuu eegayaa dadka doonistoodu sareyso ee wakhti hore yimaada goobta imtixaanka lagu qaadayo.  2. Baadhis  Baadhis ku samee xirfaddahaa iyo aqoontaa farsamo ee looshaqeeyuhu raadinayo adiga oo isku deyaya ...

Shaqo Carbinta: Faa'idooyinka Shaqo Carbinta. Apprenticeships: Benefits of Apprenticeships. Shaqo Carbinta: Faa'idooyinka shaqo carbinta. Shaqo carbintu waa hab lagu tababaro da'yarta kasoo qalinjebisa jaamacaddaha dalka. Si ay uga faa'ideystaan fursaddaha yaalaha suuqa shaqada. Da'yartu in ay soo maraan shaqo carbin waxay dhaxalsiisaa waayo-aragnimo shaqo oo kaabis unoqon doonta mustaqbalkooda shaqo. Waxa fursad loosiinayaa in loo indho furo isla markaana uu barto shaqada, wada shaqeynta, dad dhexgalka, masuuliyadda iyo xirfaddo nololeed oo qof dhis u noqonaya shaqadiisa danbe.  Shaqo carbinta muddadeedu waxay ku xidhantahay siyaasadda uqoran shirkadda, hay'adda ama xafiiskaa qofku ku qaadanayo shaqo carbinta. Sida caalamiga ah waa 3 bilood ilaa 6 bilood marka suuqa shaqada la joogo, Waxa taas ka gedisan carbiska waxbarashada oo noqon kara muddo sannad ah sida bahda caafimaadka barata oo kale.  Faa'idooyinka carbiska shaqo waxa ka mid ah: 1. Shaqada Barasha...

Waraysiga Shaqo: Werwerka Badan Waa suuregal adiga oo shaqo raadinaya in waraysiga shaqadu werwer badan kugu abuuro. Ogow in aad kaligaa ku aheyn caqabaddaa balse lagaala siman yahay qofkasta oo marxaladdaa marayaana uu aad u dareemo. Waa caqabad sii badinaysa jawaab u waayidda su'aalo badan oo ka imanaya dhinaca waraysi shaqo qaadaha ama looshaqeeyahaba, taas oo ku dhaxalsiin karta guuldarro aad kala kulanto waraysiga shaqo.  Guushaadu waxa ay ku xidhantahay habka aad u maamushid amma aad u dejisid heerka werwerkaaga. Halkan waxa aynu kuwadaagi doonnaa qodobo kaa caawin doona yaraynta werwerka waraysiga shaqo aad kala kulanto kahor marka aad fariinta martiqaadka hesho ilaa inta aad kasoo baxayso.  1. Qorshe diyaargarow Soomaalidu waxay tidhaa, '' Dardaaran caweysin kallah arooryaad buu leeyahay.'' si kale haddii aynu u dhigno, ''Arrin la qorsheeyey meel laga bilaabo ayey leedahay.'' Qorshe diyaargarow in aad sameystaa waa muhiim inta aad kugudo jirt...

Waydiin Iyo Warcelin: Codsiga Shaqooyinka WAYDIIN IYO WARCELIN: Codsiga Shaqooyinka Haddii shaqada shuruuddeheedda ay ku xusantahay shahaaddada lagaa rabaa waa dugsi sare aniguna aan haysto heer jaamacaddeed, Sidee ayaan u kala horeysiiyaa? Warcelin:   Haddii shuruuddaha looshaqeeyuhu soobandhigay ay ku xusantahay heerka waxbarasho ugu sareeya ee lagaa rabaa waa shahaaddo dugsi sare waxa muhiim ah intaad cadeyntaas aad ku istaagto oo aanad ku darin shahaaddo aan shardi lagaaga dhigin. Had iyo jeer ka tusaale iyo gundhig qaado baahida looshaqeeyuhu soobandhigay ee uu ku qoray xayeysiiska shaqo.  2.             Hal CV imisa shaqo ayaan ku xareyn karaa? Warcelin:  Hal CV waxa aad ku xareyn kartaa hal shaqo oo kaliya. Sababtu waa in looshaqeeye A baahidiisa uu soobandhigayaa ay ka duwan tahay baahida looshaqeeye B uu soo bandhigay. Sidaasna ay khalad ku noqonayso in aad hal CV 10 shaqo ku xareyso.   Xasuusnow: W...

Waydiin Iyo Warcelin: Tixraaca 1. Waydiin: Xog nooceeya ayaa la iiga baahanyahay in aan ku qoro tixraaca? Warcelin:  Marka aad qorayso warqad codsiyeedkaaga shaqo waa in aad ku dartaac tixraac leh macluumaadkan hoose: - Magaca qofka oo saddexan - Booskiiska shaqo (Current Job/ Position) - Shirkadda/Xafiiska ama hay'adda uu ka shaqeeyo - Tilifoon nambarkiisa - Cinwaankiisa iimeylka (Email Address) - Ka warbixin tixraac (Waad ku dari kartaa waanad ka tegi kartaa) Waa in aad qorto weedho kooban hoo sharaxaya cidda aad u taqaan iyo in aad soowada shaqeyseen adiga oo sheegaya goobta, goorta iyo muddada aad soowada shaqeyseen. Tusaale ahaan; Ahmed Abdi Abdi System Administrator Somalijobs Inc (00252) 000 0000 Ahmedabdiabdi@somalijobs.com Ahmed was my system administrator from 2019 to 2021 when i worked as a assistant sysmtem administrator for Somalijobs Inc. 2. Waydiin: Looshaqeeyuhu mala xidhiidhaa qofka aan ku qortay tixraaca? Warcelin:  Haa. Looshaqeeyayaashu way la xidhiidhaan x...

Hordhaca Buuga:Shaqada: Xaqa Looshaqeeyaha Lagu Leeyahay! (Work: An Employer's Right!) By Mohamud Ahmed Jama. 1. SHAQAALEYSIIN ( EMPLOYMENT). 2. CADAALAD (JUSTICE). 3. CAAFIMAAD ( HEALTH). 4. XAQA (RIGHT). Nolosha aynu noolnahy waxa jira kaaliyeyaal dhidibadda u ahaya. La'aantoodna aanay noloshu qiime iyo macne toona aaney yeelanayn. Tacabka qofku xooga iyo maskaxdaba uu ku maalayaa waa mid kamida waxyaalaha micno u yeelaya nolosha aynu noolnahay.  Ilaahay, nebi Muxammed CSW, noolaha iyo manoolaha dhammaantoodba xaq iyo xuquuq ayey kugu leeyihiin. Taas oo qofka laga rabo inuu cidkasta xaqeega siiyo mar walba oo ay ku waajibto amma habboontahay.  Sidaa si lamid ah shaqaaluhu xaq iyo xuquuq ayey ku leeyihiiy loo shaqeeyaha. Arrimahaa waxa ka mid ah: 1. SHAQAALEYSIIN ( EMPLOYMENT)                                ...

By Mohamud Ahmed Jama. Hordhaca Buuga: Xirfaddaha: 5 Xirfaddood Oo Suuqa Shaqada Soomaalida Looga Baahanyahay! Skills: 5 Skills Needed in the Somali Job Market! 1. Bedqabka Xogaha (Information Security). 2. Horumarinta Ganacsiga (Business development) 3. Isbeddelka Tiknoolajiyadda (Digital Transformation) 4. Software and Application Development (UX/UI, blockchain programming) 5. Qorshaha iyo Suuqgeynta Casriga ah (Digital Marketing & Strategy) Saadaasha isbeddellada shaqo ee iman doona waxay tibaaxayaan in xirfaddo badan lagu gudbi doonno isla markaana shaqooyin badan ay qaban doonaan mashiinno (Robots).  Shaqooyinka mustaqbalka kuwa muhiimka ah ee suuqa shaqada dhinaca tiknoolajiyadda iyo xafiisyada looga baahan yahay. Halkan waxa aynu ku wadaagi doonnaa xirfaddo muhiim u ah suuqa shaqada ee deegannada Soomaalida. Dadyowga barta ama leh xirfaddahaasina ku dhex yeelan doonnaan tixgelin badan qabashada codsiga tartanka shaqooyinka banaan. 1. Bedqabka Xogaha (Informat...

By Mohamud Ahmed Jama. Hordhaca Buuga: Shaqada: Bilowga Shaqo Cusub (Career: Starting a New Career) 1. Ka hore bilowga shaqada cusub  ( Before starting a new job) 2. Maalmaha ugu horreeya (  The first days) 3. Bilaha ug horreeya (The first months) Hambalyo. Waxaad ka guuleystay tartameyaal badan oo kasoo qayb galay heerarkii kala duwanaa ee shaqo xulista. Bilowga shaqo cusubi waxay noqon kartaa mid farxadleh laakiin caqabadleh.  Waxa jira qodobbo aad sameyn karto ka hor bilowga shaqada taas oo aad ka heli karto dhiirigelin iyo kalsooni naftaada baqaha ka saarta.  Waa muhiim aragtidaada sawirka u horeeya ee laga qaadanaya. Qodobaddaa waxa kamid ah: 1. Ka hore bilowga shaqada cusub Baadhis ku samee goobta shaqo: Xog ururso ka hor bilaabitaanka shaqada oo hatagin adiga oo dhaga xidhan (aan macluumaad hayn). Baadhis ku samee mareegaaha (Websites), Baraha bulshada, buugaagta xayeysiiska si aad aad xog uga hesho agabka, alaabta, adeegga, hiigsiga, qiyamka iyo ...

By Mohamud Ahmed Jama. Hordhaca Buuga: Sidee Loo Dhisaa Kalsoonida Shaqadaada!( How to Build Confidence in Your Work!) 1. Shaqadaada qabso.(Do your work.) 2. Noqo qof la isku hallayn karo. (Be reliable.) 3. Gaadh kama-danbaysta shaqada. ( Reach the deadline.) 4. Balanta Xooji.(Confirm the Promise.) 5. Dhagaysi Habboon.(Active Listening.) 6. Tixgelin muuji.(Show consideration.) 7. Xidhiidho Dhis.(Build Relationships.) 8. Xuduud yeelo.(Set boundaries.) Nolosheena shaqooyinka aynu qabano marar badan waxaynu u baahannaa kalsooni buuxda in lagu qabo shaqadeena oo ay ku qabayaan looshaqeeyaha iyo kooxda wadashaqeyntu innaga dhaxaysoba. Halkan waxaynu ku eegi doonnaa qodobo kooban oo ku saleysan habka iyo hannaanka aad u dhisi karto aaminaad iyo kalsooni buuxda in lagu qabo shaqada aad qabanayso. Waana midkamid ah furayaasha in kooxda wadashaqeynta leh iyo looshaqeeyuhuba kaaga gam'aan shaqada aad u xilsaarantahay in aad halkeeda saareyso. Qodobada waxa kamid ah: 1. Shaqadaada...

15 Qodob Oo Kuu Fududaynaya Ku Guulaysiga Booskaaga Shaqada Ma jirto hal sir oo kuu saamaxaysa in aad shaqadaada   ku guulaysato . Hadana si kasta oo ay ahaataba waxa jira xeerar guud iyo dabeecado , kuwaas oo kordhin karaya fursadaha aad ugu guulaysan karayso shaqadaada .     Waa kuwan 15 xeer oo kuu fududaynaya ku guulaysiga shaqadaada .    1.Hadaf     Qeex oo sheeg waxa aad doonayso in aad ka qabato shaqadaada , adiga oo muhiimad kala siinaya hadafyada kuu dejisan . Qabanayana mid ba midka ay ka sii muhiimsan tahay .    2.Dadaal     Raac wadada qeexitaanka iyo xallinta mashaakilaadka ; halkii aad sugi lahayd in qof kale shaqadaa kuu qabto . Ku dadaal in aad xallisato mashaakilkaaga gaarka ah, taas oo kuu fududaynaysa in aad ku guulaysato booskaaga shaqada .   3.Ula Xidhiidh Dadka si Saamayn le   Horumari habka qoraalkaaga iyo xidhi...

Xeerarka Shaqo Raadinta Shaqo raadintu waa hawl culays leh, sidoo kalena caqabado la socdaan . Hadana raaci taanka xeerarka ay u dejiyeen cilmi baadhayaashu waxa uu kuu fududayn doonaa in aad si fudud u maamusho , sidoo kalena aad kordhiso fursadda aad ku heli karayso shaqo . Waa kuwan qaar kamida xeerarka shaqo raadinta :   1.Is Baro   Ka hor inta aanad bilaabin shaqo raadinta waa muhiim barashada waxyaabaha aad awoodda ku leedahay iyo waxyaabaha aad xiisayso . Sidaa daraadeed waxa aad awoodda saari karaysaa shaqada kulmisa shayga aad awoodda ku leedahay sidoo kalena aad xiisaynayso .   2.Diyaarso CV- gaaga   Mar kasta ka feker in uu diyaarsan yahay CV- gaagu , adiga oo ku tolaya hadba shaqada aad codsanayso . Taas macnaheedu waa : in aad mar kasta ka war hayso shaqada aad codsanayso shuruudaha looga baahan yahay .   3. Baadhis Samee Ka hor inta aanad shaqada codsan wa...

Tabaha Wax-Soosaarka Qofeed.(Personal Productivity Tips) By Mohamud Ahmed Jama. Hordhaca Buuga: Tabaha Wax-Soosaarka Qofeed.(Personal Productivity Tips) Ahaanshiyaha qof wax soo saar lihi waxay xidhiidh la leedahay, maamulidda wakhtigaaga. Tani waxa ay kuu fududaynaysaa in arrimahaagu u socdaan sida aad adigu rabto. Qodobadan soo socda ayaa kaa caawin doona in aad noqoto qof wax soo saar le: Hadaf Qeex oo sheeg waxa aad doonayso in aad ka guul gaadho, sidoo kalena hubi in hadafyadaadu yihiin kuwo kooban, la gaadhi karo sidoo kalena cayiman. Jedweleyn   Isku day in aad qorto hadba shaqada aad qabanayso, adiga oo muhiimad siinaya sida ay u kala mudan yihiin, una kala degdeg badan yihiin. Tani waxa ay kaa caawin doontaa in aad awoodda saarto, waxyaabaha ay tahay in marka horeba la qabto.   Xaddidaado   Wakhti xaddidan u samee shaqo kasta oo kooban, tani waxa ay kaa caawinaysaa in aad wakhtigaaga u maamusho si saamayn le, kana hor tagto wax kasta oo caqabad taas k...

Xalka Shaqo La’aanta Hoos u dhigidda xadiga shaqo la’aantu waa hawl adag, sidoo kalena wejiyo badan. Waa arrin u baahan in laga istaago: dhanka siyaasada, dhaqaalaha iyo isbedellada bulsheed. Si lamida sidaa shaqo la’aantu waxa ay sababtaa in hoos u dhaco dhaqaalaha bulsho, korriinkeeda, aqoonteeda iyo kaabayaasheeda dhaqaale. Waxa jira qodobo guud oo innaga caawin doona in aynu hoos u dhigno xadiga shaqo la’aanta; qodobadaasna waxa kamida:  Korriin Dhaqaale  Waxa waajiba in ay dawladuhu hirgaliyaan siyaasado kor u qaadaya sidoo kalena dhiirigelinaya korodhka dhaqaalaha; sida kaabayaasha dhaqaalaha iyo cashuuraha oo hoos loo dhigo. Mar kasta oo dhaqaaluhu kordho ganacsiyadu waxa ay ku dhiiran doonaan in ay abuuraan shaqooyin cusub, mar kasta oo shaqo cusubi soo baxdana waxa hoos u dhacaya xaddigii shaqo la’aanta.  Maalgelinta Goobaha Aqoonta iyo Tobabarada.  Bixinta aqoon iyo tobabaro waxa ay innaga caawin doontaa in aynu fahanno qaabka uu u shaqeeyo suuqu. Mar ...